Shinwar Kamal

زاخو ب فلمێ ره‌وشه‌ن پشكداریێ د فیسته‌ڤالا نه‌ بو توندوتیژی دژی ئافره‌تان دكه‌ت
PNA- مه‌سعود لاوه‌ند/ زاخو- كورته‌ فلمه‌ك ل باژێركێ زاخو ب ناڤێ "ره‌وشه‌ن" ژ ده‌رهینانا كامیران بێتاسى، پشكداریێ د فیسته‌ڤالا نه‌ بو توندوتیژی ل هه‌ولێرا پایته‌خت دا دكه‌ت.
كامیران بێتاسى ب ئاژانسا په‌یامنێر راگه‌هاند "نها ئه‌ز مژیلى چێكرنا كورته‌ فلمه‌كیمه‌ بناڤێ ره‌وشه‌ن كو حه‌فت خوله‌كن و سێ ئه‌كته‌ر رولێ سه‌ره‌كى تێدا دگێرن ئه‌و ژی محه‌مه‌د تێجر، روژ ئازاد عجیل و په‌رێشان ـه‌".
ئه‌و ئێك ژی راگه‌هاند "كارێ وێنه‌گرتنێ ل باژێرێ زاخو هاتى یه‌ كرن كو ناڤه‌روكا وێ لدور توندو تیژیێ یه‌ ل دژى ئافره‌تێ كو كچه‌ك دڤێت ب بیته‌ سترانبێژ بابێ وێ رێگره‌ لهه‌مبه‌ر ڤێ چه‌ندێ".
گوت ژی "ئه‌ڤ فلمه‌ ب هاریكاریا رێڤه‌به‌ریا سینه‌ما دهوكێ سه‌ر ب وه‌زاره‌تا ره‌وشه‌نبیرى و لاوان ڤه‌ یا حكومه‌تا هه‌رێما كوردستانێ دێ به‌رهه‌م بێت و پتریا كارێن وێ ب دوماهیك هاتیه‌".