ژ بهر نهبوونا ژنێ دراما كوردى ب پێش ناكهڤیت
شينوار كمال
www.shinwar.tk
ل وى دهمێ ههردوو برا (لومیێر) فلمێن (شهمهندهفر) و (دهركهتنا كرێكارا) نیشا بینهرا داین, حێبهتیهكا مهزن بو, بوو مروڤایهیتێ, چونكى بو جارا ئێكێ بو دیمهنێت ژیانا روژانه یا مروڤى ب ئالاڤهكى بهێنه توماركرن و دوباره نیشاندان, سینهما دچهندین قوناغا دا بورى, سینهما رهش و سپى و بێ دهنگ, ب دهنگ, رهنگا و رهنگ, تاكو گههشتیه گوپیتكا پێشكهفتنێ یا ئهڤرو ئهم دبینین ب دههان كومپانیێن بهرههم ئینانێ كو فلم و زنجیریێن درامایى ب باشترین تهكنولوژیا دیجیتال و (هاى دفنشن) دروست دكهن, ئهز یێ ل وێ باوهریێ كو چ تشت هندى درامایێ نینن خهلك حهژێ بكهت و پێڤه هاتبیته گرێدان, چونكى رێژهیا ههره بلند یا كهنالێن تێلهفزیوونى پتریا پروگرامێن وان زنجیره و فلمن, ژ نوى بتنێ هندهك كهنال دتایبهتمهندن ب(وهرزش, گیانهوهر, دهنگ باسێن سیاسى, دكیومهنت ... هتد) ئانكو حهز پتر ل سهر درامایێ ههیه, ههر كارهكى ژڤان نامهیهك ڤێ ههیه و تشتهكى دگههینن.ئهڤرو ب دههان زنجیرێن درامایى و فلمێن بیانى چ دوبلاژكرى یان نه,ل رێژهیهكا ههره مهزن یا كهنالێن بیانى دهردكهڤن, لوى دهمى كو بشێوهیهكێ بهرفرهه ڤان كهنالا مالێن مه داگیركرینه, چهندین رهوشتێن نیگهتیڤ دناڤا جڤاكێ مهدا بهلاڤ كرینه, و ڤهرێژا وانژى تێك شێلانا جڤاكێ مهیه و بدههان رویدانێن روژانه ئهم دبینین, ل بهرامبهر ڤێ چهندێ نوكه پتر ژ (20) كهنالێن تێلهڤزیونێ یێن كوردى مه ههنه, ئهڤ كهنالێن ههژى بهرامبهر ڤێ چهندێ دجهێ خو دا راوهستاینه, هیچ تشتهكێ باش نیشا بینهرى نادهن , بتنێ ئهگهر حهفتیهیێ جارهكێ پارچه تێمسیلیهك نهبیت ئهوژى دبیت زور یا لاواز بیت ژ ههمى لایا ڤه یان ل مهها رهمهزانێ زنجیرهیهكا دهه جارا دوبارهبوویى, ژبلى نهبوونا كادر و ئامیر و بودجێن باش, چهندین هوكارێن دى دبنه هویێ سهرنهكهفتنا درامایێن كوردى, ئێك ژوان نهبوونا وان درامایێن خهلكى پێویستى پێ ههیى ل روژا ئهڤرو و كاودانێ نوكه پێویستیا خهلكى ب زنجیرێن میژوویى و كوچكێن ئاغاتیى و ئاریشێن جڤاكى یێن كهڤن یێن كو گهلهك ژوان نوكه دناڤ مهدا نهماینه و زور دكێمن زور كێمتره ژ هندهك كارێن بهحس ل ژیانا روژانه یا ئهڤرو مینا نهبوونا دهلیڤێن كارى بوو گهنجا و چوونا ژ دهرڤهیى وهلاتى و قهیرهبوونا كچێ و ... هتد بێگومان ئهگهر زنجیرهك ل دور ڤیانا كچ و كورا و ئاریشێن ئابورى و یێن جڤاكى یێن دكهڤنه درێكا واندا, و ئاریشهیێن جڤاكى یێن ژخهلهت ب كارئینانا موبایل و ئهنترنێتێ ... هتد, كو بدههان گهنج و وهلاتیێن مه دێ خو تێدا بینن, وهك نموونه هندهك ستران بێژ ههنه هونهرهكێ لاواز پێشكێش دكهن لێ بتنێ سترانا ب ئاریشێن گهنجا دبێژن رێژهیهكا باش ژ گهنجێن مه بخوڤه گرێداینه و بهرێ وان ژ هونهرێ بیانى ڤه كریه.دراما ژى ههروهسا لێ بهلێ نهبوونا ڤان جوره زنجیرا گهلهك ئاستهنگ ههنه, ژ وان ئاستهنگێن سهرهكى نهبوونا كچێ ب ئاستێ پێتڤى, چونكى ئهگهر زنجیرهك ل دور ئهڤینیێ هاته دروست كرن و ئهكتهرێن سهرهكى چ كچ یان كور ل ئاستێ پێتڤى یێ دیتنا رولى و لێكدانێ و جوانیێ نهبن بێگومان كێم كهس دێ بهرێ خو دهنێ, چونكى یێ كچ و كورێن جوان و بالابلند و لێكدایى ددراماێن بیانى دا دبینن.پهیمانگهها هونهرێن جوان سالانه ب دههان كور كچێن چهلهنگ دههمى وارێن هونهرى دا بهرههم دئینیت و دشێن ڤێ ڤالاتیێ بشێوهیهكێ باش تژى بكهن, لێ بهلێ باراپتریا وان دبنه ماموستا, نهك هونهرمهند ئهوێنپاش دهرچوونێ دوارێ هونهرى دا كاردكهن هندى تبلێن دهستانه و نه پتر, ئهگهر وهسایه مابوچه هند زحمهت و پاره لێ دهێته مهزاختن, ژ بو دابینكرنا كهرستێن هونهرى ههما بلا بكهنه پهیمانگهها ماموستایا.ئهرێ ئهز یان تو چاوا بهرهڤانیێ ژ مافێ ئافرهتێ بكهین, دێ چاوا هونهرمهندێ مه درامایهكێ دروست كهت ل دور مافێ ئافرهتێ و ئاریشێن جڤاكى بهحس بكهت, ل ڤێرێ هونهرمهند و سینارێستێ مه نهچاردبیت كارهكى دروست بكهت ل دور شهرێن بهرێ و كوچكێن ئاغا و ... هتد , كو چ كچ تێدا نهبن .
