له‌ شارى كۆڵن چه‌ند فیلمێكى كوردى نمایش ده‌كرىَ

له‌ رۆژانى (5تا 8)ى ئه‌م مانگه‌ء له‌ شارى كۆڵن به‌سه‌رپه‌رشتى یه‌كێتى خوێندكارانى كوردستانى توركیا چه‌ند فیلمێكى كوردى نمایشكرا.نمایشكردنى فیلمه‌كان له‌ مۆزه‌خانه‌ى(لۆد ڤیگ) به‌رِێوه‌چوو كه‌ یه‌كێكه‌ له‌ مۆزه‌خانه‌ به‌ناوبانگه‌كانى ئه‌و شاره‌. چالاكییه‌كه‌ له‌لایه‌ن به‌شى سینه‌ما (kion) به‌هاوكارى كۆمه‌ڵێك له‌ خوێندكارى یه‌كێتى خوێندكارانى كوردستانى توركیا ئه‌نجامدراء تیایدا چه‌ندین فیلمى كوردى به‌درێژایى ئه‌و سىَ رۆژه‌ نیشانى ره‌وه‌ندى كوردىء بینه‌رى ئه‌وروپى درا.به‌پێى راگه‌یه‌ندراوێكى سایتى(http://www.yxk-onlie.com/) له‌و سىَ رۆژه‌دا ئه‌م فیلمانه‌ نمایشكران:-(باهۆز) به‌رهه‌مى كوردستانى توركیا، ده‌رهێنانى (كازم ئۆتس)-(باوكه‌)، به‌رهه‌مى وڵاتى نه‌رویژ ساڵى 2005-2006، ده‌رهێنانى (هیشام زه‌مان) -(له‌ده‌ستدان له‌ عێراق)، به‌رهه‌مى ساڵى 2002، ده‌رهێنانى (به‌همه‌نى قوبادى)-(وڵاتى زستان)، به‌رهه‌مى وڵاتى نه‌رویژ ساڵى 2007، ده‌رهێنانى (هیشام زه‌مان)-(به‌رخۆدان) دێكۆمێنتى ، به‌رهه‌مى وڵاتى ئیتاَڵیا 2004، ده‌رهێنانى (ئۆرسۆلا كاسه‌ گره‌نده‌، بیبى بۆتزاتۆ)-(سێبه‌رء با)، به‌رهه‌مى كوردستانى توركیا، ده‌رهێنانى (ئارین ئه‌سڵان)-(سه‌فه‌رى هیوا)، به‌رهه‌مى وڵاتى نه‌مسا، ده‌رهێنانى (خافێر كۆلیر)-(مانگاى كوێر) به‌رهه‌مى كوردستانى توركیا ساڵى 2006، ده‌رهێنانى (ئاى دین سیڤینس)-(داڤید)، به‌رهه‌مى وڵاتى نه‌مسا 2005، ده‌رهێنانى (مانۆ خه‌لیل) -(هه‌مووى سپییه‌)، به‌رهه‌مى كوردستانى توركیا، ده‌رهێنانى (سابیته‌ كایا) -(منداڵانى سه‌رزه‌مینى گه‌وره‌) دێكۆمێنتار، ده‌رهێنانى (ئۆمه‌ر لێڤنتۆ گلۆ)-(نیوه‌ مانگ)، ده‌رهێنانى (به‌همه‌نى قوبادى) -(ته‌مبور)، ده‌رهێنانى (هانێس ترایبر) -(بریتان)به‌رهه‌مى ساڵى 2006، ده‌رهێنانى (هه‌لیل ئۆیسال داگ، جیندا باران، ده‌رسیم زیرڤان).

http://www.chrakan.com/