ژبهر چ ؟ ئهڤرۆ دێ هێته نيشادان ژ بهر چ
دهۆك، شاكر ئهتروشي
ههر مروڤهك دهمێ خو دكوژيت يان هزرا خو كوشتنێ بكهت , ئهرێ وي هزركريه بهري ئهو وهبكهت بێژيته خو ژ بهر چ ؟ ئهريَِ دێ ژ بهر چ خو كوژم ؟ ئايا دهمێ ئهز خو دكوژم دێ چ چێبيت ؟ كي دێ خوسارهت بيت ؟ ئهرێ دێ كێشا من چارهبيت ؟ ئهو تشتێ ئهز خو ژبهر وي دكوژم هێژايي ژ دهست دانا گيانێ منه ؟ ئهڤه ههمۆ كۆمهكا پرسيارا نه و بهرسڤێن وان ئهڤرۆ بهري نيڤرۆ د فلمێ ديكيومهنتي (ژ بهر چ)؟ ل هۆلا سهروكاتيا ساخلهميا دهوك هێته نيشادان و كونگرهيهكێ روژنامهڤاني ژي بو سينارێست و دهرهێنهرێ فلمێ ناڤبري دێ هێتهدانانسينارێت و دهرهێنهرێ فلمێ ناڤبري شينوار كهمال دياركر كو ئهو گهلهك بڤي فلمي ڤه ماندي بوينه و ل دۆماهيێ ماندي بون ژبيركريه و بو ئهڤرۆ گوت:ل دهسپێكا مهها 6 يا ئهڤ ساله ئهڤ هزره بوومه چێبو , بوچي مروڤ خوه دكوژن؟ لهورا مه گهلهك بابهت ئينا و بر دێ چهوا بينه رێكهك كو ئهم مروڤا ژڤێ كێشێ قورتال كهين , ئهم ل سهر هندێ رێككهفتين كو ئهڤ بابهته ببيته فلمهكێ ديكيومهنت دێ گهلهك باشتربيت ژ نڤێسين و پهرتوك و سمينار ... هتد, لهورا زێده باري پێزانين و ئاموژگاريا تاما فلمي ژههمۆ تشتێت دي دێ باشتربيت چونكي دگهل هندێ مۆزيك و وێنهيهكێ جوان و دهمهكێ كێم و ئالاڤهكێ ب ساناهي دێ گههيته خهلكي ئهوژي سينهما و تهلهڤزيون , و ب سوپاسي ڤه رێڤهبهريا دووفچۆنا توند و تێژيێ ل دژي ئافرهتێ ل پارێزگهها دهوك و رێكخراوا مهند بو يهكسانيێ ئهڤ كاره ب ستويێ خوڤه گرت و ههمي دهرگههێن خو ڤهكرن بو ئهنجامدانا ڤي كاري , لهورا مهژي سيناريويهك بودانا و كهسانێن رهوشهنبير و زانا ژێگرتن داكو ڤي بابهتي بهحس بكهن , ل دوماهيا مهها 6 مه دهست ب وێنهگرتنێ كر و ل دوماهيا مهها 7 ب دوماهي هات و ژ هينگي وهره تانوكه ئهم يێ كارێ مونتاژێ تێدا دكهين و بهري چهند روژا ب دوماهي هات و ئامادهبوو بو نيشاندانێ, ناڤبري زێدهتر گوت: ئهڤ فلمه چهند تهوهرا ن بخوڤه دگريت, ل دهسپێكێ ئهگهرێن خوهكوشتنێ ژ لايێ دهروني , جڤاكي و ئابوري ڤه دهێنه بهحسكرن و پاشي دهێته دياركرن كا كي خو ل ڤي بابهتي بكهته خودان و ههر تاكه كهسهك ژمه چهوا سهرهدهريێ دگهل كهسێن بهرامبهر خو بكهت دا ڤێ كريارێ كێم بكهين, ديسان كومهكا ئاموژگاريا دهێنه ئاراستهكرن بو ههر كهسهكێ هزرا خوه كوشتنێ ل دهف ههبيت و ههركهسێ كهسهكێ نێزيكي وي ئهڤ هرزه ل دهف ههبيت ديسان بو ههر خێزانهكێ و ههمو كومهلگههێ ب گشتي ئهركێن وێ بهرامبهر ڤێ كريارێ دهێنه دياركرن, ديسان دياركرنا رولێ رێكخراوێن جڤاكێ مهدهني و روژنامهڤان و هونهرمهند و پهروهرده و دادگهه ههروهسا ئهوكهسێن پێش وهخت ههولا خوهكوشتنێ كري سهرهاتيێن خوه ڤهدگيرَن ديسان كهسێن نێزيكي ڤان قوربانيا بهحسێ ئاكامێن خوهكوشتنا نێزيكێن وان دمالدا دكهن, و ژلايێ ئايني كا سزايێ ڤێ كريارێ چهنده ههرسێ ئايين موسلمان و مهسيحي و ئێزدي ل دور دخاڤن , ئهڤ چهنده ههمو ب شێوهيێ ديكيومهنت فلم هاتيه بهرههم ئينان و بسپورێن ئهكاديمێ دڤان واران دا بهحس ل سهر دكهن دماوێ 48 خولهكا دا دێ هێته نيشاندان و ب سيستهمێ DV هاتيه چێكرن , كهسێن ب چێكرنا فلمي رابوين، شينوار كهمال وهك دهرهێنان و كاميره, بادين هاريكارێ دهرهێنهري , و بريار كهمال مونتاژ و گرافيك , كاروان بالايي روناهي و ديكور, باپير محمد تاهر دهنگ , و ئهكتهر بريار كهمال و رێڤهبهرێ بهرههمي هێرش رهشيد , سهرپهرشتێ كاري رائدێ دكتور سامي جهلال , و ژلايێ دهزگايێ K7 يي َهونهري هاتيه بحه ئينان.
ليست هناك تعليقات:
إرسال تعليق