شینوار كهمال
ل سپێدههیا روژا پێنج شهمبى رێكهفتى 24/12/2009 كو دهستپێكا زڤستانێ بوو و تاڤهكا خاڤ و بایهكێ سار دهات, ل بهردهرگههێ سهروكاتیا زانكویا دهوك, ژمارهیهكا زور یا خهلكى داروهستیایى بوون و پسته پست ژى َدچوو و ههرئێكى دگووته یى َدى راسته یهلماز گونهیى هاتیه ڤێرێ ؟ بریاردا گوتى دێ دا بچنه ژوور دێ بینین كا هاتیه یان نه" دهمژمێر بو 10 ههمى دهنگ بى َدهنگ بوون و گوه مانه ڤهچنى, ژ نشكهكێ ڤه دهنگهك بتنێ هات و كاك (هێرش رهشید) سهروكێ رێكخراوا مهند بخێرهاتنا مێهڤانا كر و سوپاسیا ئامادهبوونا وان كر.
د دویڤدا خانم (ڤیان ماى) رێڤهبهرا رێڤهبهریا هونهرێت سینهما دهوك, سوپاسیا وان كهسا كر یێت بڤى كارى رابووین.
پاشى (شینوار كهمال) بهحسێ وان كارێت ئهو پێ رابووى ژ بهرههڤكرنا كارێت گونهى و دهرهێنانا فلمێ (باشوریێ خوهراگر) ئهوى ژ سیناریو و دهرهێنانا شینوار كهمالى .
ئێكسهر پشتى هینگى هول تارى بوو, و گونهى ل هولێ ئامادهبوو و فلمێ (دیوار) ئهوێ یهلماز گونهى ل سالا 1983 ل وهلاتێ فرهنسا دروست كرى كو ژ سیناریو و دهرهێنانا وى بوو, و ئهڤ فلمه هاتبوو وهرگێران بو زمانێ كوردى ژلایێ (شینوار كهمال, نیروژ كهمال, كاژین ماى و شهمزین خهلیل) بو ماوى ئێك دهمژمێر و پێنجى خولهكا ڤى فلمى ڤهكێشا و فلمى ههمى كێشهیێت مللهتێ كورد وهك بێ خودانى و تهعدایى یا ژههمى جورا ل وان دهێته كرن سهرهرایى هندێ ههر ئهو دبێ دهنگن و بهرهڤانیێ ژ مافێت خوه ناكهن و پشتى دانا گهلهك قوربانیا ژنوى ژ خهو هشیاردبن و ب سهرهلدانێ رادبن بهلێ ئهو مافێت وان داخواز كرین نه ئهو بوون یێت ئهو پێتڤى داكو كێشا وان چارهببیت, دگهل هندێ بهردهوام وهلاتێت زل هێز و پارێزڤان درهوا لێ دكهن و دبێژنێ پشتا خوه بمه گهرم بكهن و د پشت را دربێ خوه دوهشیننێ و وان ژناڤ دبهن, گونهى ب هوستایهتى ئهڤ چهنده ب رێیا هندهك زیندانیێت زاروك دیاركربوو, و پرانیا وان كهسێت ل بهر وى فلمى نهشیان روندكێت خوه بكرن و هندهك ژوان ژ هولێ دهركهفتن و نهشیان بهردهوامیێ بدهنه فلمى.
ددویڤدا ماموستا (د. ئیبراهیم محمود) ماموستایێ زانكویا (صلاح الدین) و ههلگرێ باوهرناما دكتورا دوارێ راگههاندنێ دا, و خودانێ پهرتوكا ب ناڤ دهنگ (يلماز طوناى و دور السينما الوثائقية في النظال و الوطنى) چهندهك ژیانا گونهى بو ئامادهبوویا ڤهگێرا و چهندین پرسیار ژلایێ ئامادهبوویاڤه ژێ هاتنه كرن.
پاشان جارهكا دى هول تارى بوو ڤه و بهلگه فلمێ (باشوریێ خوهراگر) كو ژ سیناریو و دهرهێنانا (شینوار كهمال) بوو, هاته نیشان دان و ڤى فلمى ب تێر و تهسهلى بهحسێ خهبات و شاكار و ژیانا گونهى كر, و پشتى ئهڤ فلمه ب دوماهیك هاتى خهلات و سوپاس نامه بو وان كهسا هاتنه بهخشین یێت بهشدارى دڤى كارى كارى دا كرى و ددویڤدا دهمێ رێزگرتنێ ئهوێ ژلایێ وهزارهتا رهوشهنبیرى و لاوان رێڤهبهریا هونهرێت سینهما-دهوك و رێكخراوا مهند بو یهكسانیێ هاتیه بهرههڤكرن و ب دوماهیك هات وههركهس بو سهر مال و كارێ خوه زڤرى و یهلماز گونهى بریا ردا بمینیته ل دهوكێ و ژیانا خوه یا ماى ل وێرێ تهمام بكهت و دگهل وان ههمى ئامادهبوویا چوو مالێت وان.
ليست هناك تعليقات:
إرسال تعليق